أسمهان – ليالي الأنس – 1944

شعار كتاب الأغاني الثاني


الكلمات

ليالي الأنس في فيينا
الكلمات: أحمد رامي الألحان: فريد الأطرش
التاريخ 1944 القالب: طقطوقة/ فالس

ليالي الأنس في فيينا نسيمها من هوا الجنّة
نغم في الجوّ له رنّة.. سمعها الطير بكى وغنّى

***

ما بين رنين الكاس ورنّة الألحان
أدي القوام ميّاس يعاطف الأغصان
تمّ النعيم للروح والعين ما تخلّي قلبك يتهنّى
آدي الحبايب عالجنبين إيهِ اللي فاضل ع الجنّة؟

متّع شبابك في فيينا دي فيينا روضة م الجنّة
نغم في الجوّ له رنّة.. سمعها الطير بكى وغنّى

***

ساعة هنا لو تصفى لك تنسى معاها الكون كلّه
إيه اللي رايح يبقى لك من النعيم ده غير ظلّه؟

خيال ساري مع الأوهام وطيف جاري مع الأحلام
وليه تصبر على الأيام تفوت من غير ما تتهنى؟
دي ليلة الأنس في فيينا نسيمها من هوا الجنّة
نغم في الجوّ له رنّة.. سمعها الطير بكى وغنّى

***

امرح واطرب
افرح واشرب
ابعت قلبك يسبح ويطير
في الدنيا دي يلقى له سمير
تهنا بقربه، وتسعد بهواه
وتهنّي شباب القلب معاه
دي فيينا روضة م الجنة تسعد لياليكِ يا فيينا
نغم في الجوّ له رنّة.. سمعها الطير بكى وغنّى

Tagged , . Bookmark the permalink.

Comments are closed.

  • تجربة

    [doc id=32481]